Iroq kassatsiya sudi quyi instansiya sudi Tikrit shahrida 1700 dan ortiq iroqlik harbiylar o‘limida aybdor bo‘lgan 40 kishiga nisbatan chiqargan o‘lim jazosi hukmini tasdiqladi, deb yozadi “TASS”.
Iroq prokuraturasi vakili so‘zlariga ko‘ra, puxta tekshiruvdan so‘ng sud mashhur “Spayker harbiy bazasi haqidagi ish” bo‘yicha oliy jazoga mahkum qilinganlarning apellyatsiyasini rad etdi. O‘lim jazosi haqidagi qaror joriy yilning 18-fevralida Bag‘dod jinoiy sudi tomonidan 40 kishiga nisbatan chiqarildi. Yetti kishi esa jinoyatga aloqasi isbotlanmagani tufayli sud zalida hibsdan ozod etildi.
O‘tgan yilning mart oyi oxirida Iroqning Tikrit shahri ozod etilgach, shahar atroflarida iroqlik askarlar va tinch aholi vakillari ommaviy ko‘mib tashlangan bir nechta qabrlar topildi. Ularning ko‘pchiligi terrorchilarning “Spayker” harbiy bazasidan olgan qasosi qurbonlari ekanligi aniqlandi. Tikrit ozod qilinishidan bir necha oy avval 1700 nafar iroqlik harbiylar terrorchilar qo‘liga asir tushgan, ularning barchasi ekstremistlar tomonidan qiynab o‘ldirilgan.
Izoh (0)