O‘zbekiston fuqarolari MDH bo‘yicha o‘zini eng xavfsiz deb his qilishi ma’lum bo‘ldi. Bunga AQShning Gallup kompaniyasi o‘tkazgan so‘rovnoma dalil bo‘la oladi, deb xabar bermoqda UzDaily.
Gallup kompaniyasi dunyoning 134 mamlakati aholisi orasida o‘zi yashaydigan hudud bo‘yicha jinoyat darajasi va mahalliy huquq-tartibot xodimlarining ishonchliligi borasida so‘rovnoma o‘tkazdi. Olingan ma’lumotlar tashkilot tomonidan tayyorlangan “Butunjahon qonun va tartib indeksi” hisobotidan joy oldi.
So‘rovnoma natijasiga ko‘ra, 2015-yil yakuni bo‘yicha O‘zbekistonning qonun va tartib indeksi 90 ballni tashkil qildi. O‘zbekiston ushbu indeks bo‘yicha Islandiya bilan 2 va 3-o‘rinni bo‘lishib oldi. Singapur 93 indeks bilan birinchi o‘rindan joy oldi.
Tojikiston qonun va tartib indeksida 89 ball bilan to‘rtinchi, Shveysariya 88 ball bilan beshinchi pog‘onani egalladi.
Izoh (0)