Япониядаги ҳукмрон Либерал-демократик партия бош котиби Садакадзу Танигаки велосипеддан йиқилиб тушиб, жиддий жароҳат олди. Бу ҳақда «ТАСС» хабар бермоқда.
Танигаки 16 июль куни Токионинг Император саройи ҳудудида сайр қилаётганда йиқилиб тушган ва умуртқанинг бўйин қисмини жиддий шикастлаган. Айни пайтда у ҳушига келган ва ўтказилган операциядан сўнг касалхонада тикланиш курсини ўтамоқда, асоратлар эса кузатилмади.
Бош котиб вазифасини бажарувчи Хироюки Хосода Танигаки қачон ишга қайтиши мумкинлигини аниқ айтолмаслигини билдирди. Партияга раислик қиладиган Япония бош вазири Синдзо Абэ августда партия раҳбариятининг янги таркибини эълон қилиши ва унда Танигаки бош котиб сифатида қолиши кутилаётганди. Энди эса унинг лавозимини мамлакат ташқи ишлар вазири Фумио Кисида эгаллаши мумкин.
Изоҳ (0)