Fransiyadagi Ingliz qirg‘og‘ida terakt sodir bo‘lgan kuni qahramonlik ko‘rsatib, yuk mashinasini to‘xtatib qolishga uringan Frank ismli kishiga yangi mototsikl uchun mablag‘ yig‘ildi, deb yozadi “TASS”.
“Qahramon uchun mototsikl” aksiyasini Mansh departamentining ikki fuqarosi internet orqali boshladi, hozirgacha 21 ming yevrodan ortiq mablag‘ to‘plandi. Uning bir qismi o‘nlab jarohatlanganlar yotgan kasalxonalarga topshiriladi.
14-iyul kuni kechqurun Nitssa aeroporti bojxona xizmati ishchisi Frank rafiqasi bilan bayram salyutini tomosha qilayotgan vaqtda qirg‘oqqa og‘ir yuk mashinasi bostirib keldi va undagi terrorchi odamlarni ataylab bosib keta boshladi. Shunda Frank mototsikliga sakrab chiqdi va yuk mashinasiga yetib oldi. U mototsiklini jo‘rttaga mashina g‘ildiraklari ostiga tashladi, biroq bu uni to‘xtatib qola olmadi.
Yuk mashinasining ochiq oynasi orqali Frank terrorchining yuziga bir necha marta zarba tushirdi, u esa to‘pponchasi bilan Frankni nishonga oldi, ammo xayriyat, qurol pand berdi. Frank ko‘rsatgan qahramonligi uchun medal bilan taqdirlandi.
Izoh (0)