Bryusselda 22-mart kuni ro‘y bergan teraktlardan ko‘rilgan zarar mamlakat iqtisodiyot vazirligi tomonidan bir milliard yevroga yaqin baholanmoqda. Bu haqda mahalliy OAVlar 26-iyul, seshanba kuni tarqatgan xabarlarga tayanib, “Korrespondent.net” ma’lum qildi.
“Gap Parijda 2015-yil noyabrida sodir etilgan teraktlardan beri birinchi iqtisodiy asoratlar tahlili haqida ketmoqda. Shunga o‘xshash obyektiv tadqiqotlar bo‘lishi juda muhim. Hukumat korxonalarga ko‘mak berish uchun barcha choralarni ko‘rdi”, — deya ta’kidladi bosh vazir o‘rinbosari va iqtisod vaziri Kris Peters.
Vazirlik ma’lumotlariga ko‘ra, teraktlar oqibatida davlat soliq tushumlari 760 million yevroga pasaydi. Joriy yil birinchi choragi yakuni bo‘yicha umumiy yo‘qotish yalpi ichki mahsulotning 0,1 foizini tashkil etmoqda.
Izoh (0)