Lotin Amerikasidagi La Bioguia sayti Facebook’da it gitarachiga bas-barabanda ko‘mak berayotgani aks etgan videoni joylashtirdi.
Videoda jonivor panjasi bilan barabanga zarba beradigan to‘qmoqchalarni harakatga keltirayotganini ko‘rish mumkin.
Qisqa muddat — bir haftaga yetib-yetmay rolik 6 milliondan oshiq marta ko‘rildi va 12 mingga yaqin izoh yig‘di. Foydalanuvchilar it ritmga mutanosib harakat qilayotganini ta’kidlab, layoqatli jonivorga muhabbatlarini izhor etgan va video mualliflaridan u haqda ko‘proq hikoya qilishni talab etgan.
Izoh (0)