Xitoy rivojlanish va islohotlar davlat komissiyasi mamlakatning kichik va o‘rta shaharlarida 3,4 milliard kishi — Yer yuzi aholisining deyarli yarmini joylashtirish uchun yetarli uy-joy qurilishi rejasini e’lon qildi, deya xabar beradi “Interfaks”.
2030-yilgacha bo‘lgan muddatga mo‘ljallangan mazkur rejani mustaqil ekspertlar va hatto davlat OAVlari, jumladan, “Sinxua” agentligi tanqid qilishga ulgurdi. Hozirning o‘zida Xitoy shaharlaridagi qurilish sur’atlari mavjud talabga qaraganda ortiq: oxirgi besh yil mobaynida mamlakatda yiliga 10 millionga yaqin uy-joy fondi foydalanishga topshirib kelingan, talab esa 8 milliondan oshmagan.
Xitoy raisi Si Szinpin va Davlat kengashi rahbari Li Ketsyan mamlakatni shaharlashtirish siyosatiga da’vat etib kelmoqda. Rasmiylar joriy o‘n yillik yakunigacha qishloq joylaridan kamida 100 million kishi shaharlarga kelishini kutmoqda.
Ma’lumot uchun, hozir Xitoyda 1,4 milliardga yetmagan aholi istiqomat qiladi, dunyo aholisi soni esa 7,4 milliarddan oshiq.
Izoh (0)