Turkiyadagi harbiy to‘ntarishga urinishdan so‘ng sud muassasalarining 2,7 mingdan ortiq xodimlari o‘z vazifasidan ozod etildi. Bu haqda, Turkiyaning NTV telekanaliga asoslanib, “Interfaks” xabar bermoqda.
Avvalroq Turkiya hukumati rahbari Binali Yildirim mamlakat qurolli kuchlarining besh generali va 28 polkovnigi o‘z lavozimlaridan mahrum bo‘lgani, harbiy to‘ntarishga urinishda qatnashgan generallardan biri esa yo‘q qilinganini ma’lum qilgan edi.
Bundan tashqari, bosh vazirning so‘zlariga ko‘ra, turk armiyasining oliy va o‘rta bo‘g‘inlariga mansub 2,8 ming harbiy muvaffaqiyatsiz tugagan to‘ntarishdan so‘ng hibsga olingan.
Turkiyada 16-iyulga o‘tar kechasi harbiy to‘ntarishga urinish bo‘lib o‘tdi.
The Washington Post nashrining rasmiy Anqaraga asoslanib xabar berishicha, to‘ntarishga urinish vaqtida kamida 194 kishi halok bo‘lgan, ulardan 104 nafari isyonchilardir.Halok bo‘lganlarning qolgan 90 nafari — to‘qnashuvlarning boshqa ishtirokchilari bo‘lib, ular orasida 41 nafar politsiyachi, ikki harbiy va 47 nafar tinch aholi vakili bor.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)