Turkiyada harbiy to‘ntarishni amalga oshirishga uringan isyonchilar WhatsApp mobil dasturidan foydalangan. Bu haqda, isyonchilar o‘rtasidagi o‘zaro yozishmalarning printskrinini e’lon qilgan Milliyet nashriga asoslanib, “RBK” xabar bermoqda.
Suratda isyonchilar Haberturk TV telekanalida Bosfordagi ko‘priklarning yopilgani haqida birorta xabar berilmaganini muhokama qilganini ko‘rish mumkin. Isyonchilar WhatsApp’dan foydalangani haqida Anadolu agentligi ham xabar berdi.
16-iyulga o‘tar kechasi Turkiyada harbiy to‘ntarishga urinish bo‘lib o‘tdi. Mamlakat armiyasi mamlakatdagi hokimiyatni “konstitutsiyaviy tartibni qayta tiklash maqsadida” o‘z qo‘liga olganini ma’lum qildi.
Amaldagi hukumat tarafdorlari esa, Turkiya prezidenti Rajab Toyyib Erdo‘g‘onning chaqirig‘iga ko‘ra, harbiy to‘ntarishga xalal berish maqsadida, tunda Anqara va Istanbul ko‘chalari va maydonlariga chiqdi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)