Туркияда ҳарбий тўнтаришни амалга оширишга уринган исёнчилар WhatsApp мобил дастуридан фойдаланган. Бу ҳақда, исёнчилар ўртасидаги ўзаро ёзишмаларнинг принцкринини эълон қилган Milliyet нашрига асосланиб, «РБК» хабар бермоқда.
Суратда исёнчилар Haberturk ТВ телеканалида Босфордаги кўприкларнинг ёпилгани ҳақида бирорта хабар берилмаганини муҳокама қилганини кўриш мумкин. Исёнчилар WhatsApp’дан фойдалангани ҳақида Anadolu агентлиги ҳам хабар берди.
16 июлга ўтар кечаси Туркияда ҳарбий тўнтаришга уриниш бўлиб ўтди. Мамлакат армияси мамлакатдаги ҳокимиятни «конституциявий тартибни қайта тиклаш мақсадида» ўз қўлига олганини маълум қилди.
Амалдаги ҳукумат тарафдорлари эса, Туркия президенти Ражаб Тоййиб Эрдўғоннинг чақириғига кўра, ҳарбий тўнтаришга халал бериш мақсадида, тунда Анқара ва Истанбул кўчалари ва майдонларига чиқди.Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)