Internetda Nitssada yuk mashinasining olomon ustiga bostirib borgani aks etgan kadrlar paydo bo‘ldi (video)

YouTube servisida Nitssadagi Ingliz qirg‘og‘ida sodir bo‘lgan hujum guvohlari tomonidan olingan videolar paydo bo‘ldi, deb yozadi “RBK”.

Uylardan birining derazasidan tushirilgani taxmin qilinayotgan kadrlarda oq uy mashinasi qirg‘oq bo‘ylab olomon tomonga harakatlanayotganini ko‘rish mumkin.

YouTube’ga joylangan yana bir rolik esa hujum chog‘ida olomon ichida bo‘lgan kishi tomonidan olingan. Unda yuk mashinasi olomon ustiga bostirib kirgani va odamlar baqir-chaqir qilib har tomonga qochayotgani aks etgan.

Yuqoridan turib olingan yana bir videoda sarosima ichida qirg‘oq bo‘ylab yugurayotgan odamlar va hodisa joyiga yaqinlashayotgan politsiya avtomobillarini ko‘rish mumkin.

Truck smashing into crowd in #Nice kills at least 30 people and at least 100 injured . #Nice06 https://t.co/TOgO1h33Mv

— Dr. Nabeel Alvi (@RphNabeel) July 14, 2016

• Nitssadagi terakt