Venesuelada favqulodda iqtisodiy vaziyat haqidagi qaror yana 60 kunga uzaytirildi. Bu haqda Gaceta Oficial’ga tayanib, “TASS” xabar bermoqda.
Mamlakat prezidenti Nikolas Maduro tegishli qarorni shu yilning yanvar oyida, ijrochi hukumatga “iqtisodiy urush” davrida aholini himoya qilish uchun keng vakolat berish uchun imzolab bo‘lgandi.
Venesuelada ijtimoiy, iqtisodiy, siyosiy, tabiat va ekologiya masalalari favqulodda vaziyatda qolayotgani va milliy iqtisodiyotga salbiy ta’sir ko‘rsatayotgani uchun farmonning muddatini uzaytirishga qaror qilindi.
Avvalroq Maduro mamlakat mudofaa vaziri Vladimir Padrino Lopesni ovqat va birinchi ahamiyatga ega tovarlar tanqisligiga qarshi kurashish uchun “Mustaqil va xavfsiz ta’minot” dasturiga mas’ul etib tayinlagandi.
Venesuelada so‘nggi yarim yilda moliyaviy-iqtisodiy inqiroz tufayli tovar va oziq-ovqat tanqisligi keskin sur’atda avj oldi. Buning oqibatida odamlar ovqat uchun noiloj choralar ko‘rishga majbur bo‘lmoqda.
Qayd etish joiz, Venesueladagi inqiroz fonida mamlakat “eng baxtsiz” iqtisodiyotlar reytingida yetakchilik qilmoqda.
Izoh (0)