Liyelvarddagi Latviya harbiy-havo kuchlari bazasiga 13—14-iyul kunlari AQSh HHK harbiy xizmatchilari va vertolyotlari joylashtiriladi. Bu haqda mamlakat mulofaa vazirligi matbuot xizmati ma’lum qildi, deya xabar beradi “Interfaks”.
“Kuchli Yevropa” tashabbusi va “Atlantik qat’iyat” operatsiyasini qo‘llab-quvvatlash doirasida Latviyaga AQSh armiyasi 501-aviatsiya polki uchinchi batalyonining 60 dan ortiq askari va 5 ta Black Hawk vertolyoti keltirildi. Amerikalik askarlar mahalliy harbiylar bilan birga shug‘ullanadi va xalqaro mashg‘ulotlarda ishtirok etadi.
Latviyaning Adaj bazasida “Atlantik qat’iyat” operatsiyasi doirasida AQSh armiyasi 3-piyoda diviziyasining 200 ga yaqin harbiy xizmatchisi, 9 ta Abrams tanki, 5 ta Bradley zirhli mashinasi va boshqa harbiy texnikalari bo‘lib turibdi.
Izoh (0)