Belarusning Minsk milliy aeroportida noqulay ob-havo tufayli 8 samolyot shikastlandi. Bu haqda 13-iyul, chorshanba kuni aeroport matbuot xizmati ma’lum qildi, deya xabar beradi “Interfaks”.
“Kuchli shamol va shiddatli yomg‘ir oqibatida aeroport hududida bir necha havo kemasi shikastlanishi sodir bo‘ldi. Beshta samolyotda qulab tushgan konstruksiyalar bo‘laklari izlari qolgan. Uchta havo kemasi jiddiy shikastlandi: ikki samolyot bir-biri bilan to‘qnashdi, bir yengil motorli samolyot ag‘darilib ketdi”, — deya xabar bergan matbuot xizmati.
Tabiiy ofat chog‘ida aeroport hududida tashrif buyuruvchilar, yo‘lovchilar va ishchi-xodimlardan hech kim jabrlanmadi. Ofat oqibatlarini bartaraf etish uchun shtab tashkil etildi, hodisa tafsilotlari va havo kemalariga yetkazilgan zararni aniqlash uchun maxsus komissiya ishlamoqda.
Izoh (0)