Respublikachilar partiyasidan AQSh przezidentligiga nomzod, milliarder Donald Tramp saylovchilar o‘rtasida yoqlanishi bo‘yicha raqibi, Demokratlar partiyasi vakili Hillari Klintondan ortda qolishini 3 foizgacha qisqartirdi. Marist sotsiologiya xizmati The McClatchy Company noshirlik xoldingi bilan birgalikda o‘tkazgan va 13-iyul, chorshanba kuni e’lon qilingan umummilliy so‘rov natijalari shundan dalolat bermoqda. Bu haqda “TASS” ma’lum qildi.
Olingan natijalarga ko‘ra, Tramp uchun noyabrdagi saylovlarda so‘ralganlarning 39 foizi ovoz berishga tayyor, Klinton nomzodini esa respondentlarning 42 foizi ma’qullamoqda. Shunisi ham borki, sobiq davlat kotibini qo‘llab-quvvatlanish darajasi birinchi bor 50 foizli ko‘rsatkichdan pastga tushdi.
Klintonni afroamerikalik aholining 81 foizi yoqlamoqda (milliarderni esa atigi 6%). U, shuningdek, ayollar va Lotin Amerikasidan kelganlar o‘rtasida ham mashhur. Trampni esa asosan erkaklar va oq tanlilar qo‘llab-quvvatlamoqda.
Eslatib o‘tamiz, oldinroq Florida va Pensilvaniyadagi so‘rovlar yakunlariga ko‘ra Tramp Klintondan o‘zib ketganligi bildirilgandi.
Izoh (0)