eBay xalqaro internet-auksioni inson bosh suyagi va skeletlarini sotishni to‘xtatdi, deb yozadi “TASS”. Ushbu “tovar”lar kompaniya qoidalari bunday biznesni taqiqlamagani sababli mazkur bozor maydonchasida shu paytga qadar sotilib kelinar edi.
Taqiqlangan tovarlarni sotish haqidagi takliflar auksion saytidan o‘chirildi. O‘sha vaqtda unda 454 ta bosh suyagi lot sifatida ro‘yxatdan o‘tkazilgan edi. Ular 237 nafar sotuvchiga tegishli bo‘lib, har birining narxi 5,5 ming dollargacha yetgan. Ko‘pchilik hollarda sotuvchilar AQShda ro‘yxatdan o‘tgan.
eBay auksionidagi inson suyaklari savdosiga amerikalik kriminalist ekspertlar e’tibor qaratdi. Ular ko‘pchilik hollarda eBay’da Xitoy va Hindistonda qabrlardan qazib olingan suyaklar sotuvga qo‘yilishi haqida gumon bildirdi.
Izoh (0)