IBM Samsung kompaniyasi bilan hamkorlikda energiyaga bog‘liq bo‘lmagan tezkor xotira ishlab chiqarish texnologiyasini yaratdi, deb yozadi “Hi-tech.mail.ru”. U nafaqat juda tezkor, balki uzoq vaqtga chidaydigan ma’lumot saqlagich bo‘lib, uni mobil qurilmalar va “aqlli” uy uchun gadjetlarda qo‘llash mumkin.
O‘ta tezkor xotirani yaratish uchun ishlab chiquvchilar magnitli momentlar texnologiyasini qo‘lladi. Yangi xotira qurilmasi magnit-rezistiv texkor xotira (MRAM) deb nomlandi. Ushbu texnologiya hozirgi namunalardan ko‘ra yuz ming marta tezkorroq xotiralarni ishlab chiqarish imkonini beradi.
MRAM’ni energiya sarfi juda past bo‘lgan qurilmalar, masalan, “aqlli” uy uchun gadjetlar — chiroq, kuzatuv kameralari, chiroqni o‘chirib-yoqqichlar, rozetkalarda qo‘llash mumkin. Xotira quvvat deyarli to‘liq yo‘q bo‘lganida ham ishlay oladi.
Izoh (0)