Strategik taraqqiyot va birlamchi loyihalar bo‘yicha kengashning birinchi majlisi yopiq qismida Rossiya prezidenti Vladimir Putin “soya iqtisodiyoti”ni hal qilish va unda band bo‘lgan 30 millionga yaqin rossiyaliklarni u yerdan olib chiqishni topshirdi, deb yozadi “Gazeta.ru”. Bu haqda Bloomberg prezident bilan yopiq uchrashuvning ikki ishtirokchisiga tayanib xabar qildi.
Rossiyaning “soya iqtisodiyoti”da mexaniklar, quruvchilar, tish shifokorlari, veterinarlar va boshqalar joylashdi. Iqtisodiyotning ushbu sektori “garaj iqtisodiyoti” deb ham ataladi, bu kasb egalari soliqqa tortish tizimidan deyarli to‘liq chiqarilgan.
Prezident fuqarolarni “garajdan chiqishga” rag‘batlantirish yo‘li bilan ushbu masalani yechishni buyurdi. Manbalar ta’kidlashicha, hisob-kitoblarga ko‘ra, “garaj iqtisodiyoti”ga Rossiya yalpi ichki mahsulotining 25 foizi to‘g‘ri keladi. Agentlik qayd etishicha, iqtisodiy inqiroz davrida millionlab fuqarolarning soyadan chiqarilishi va soliqqa tortilishi byudjet muammolarini yechishda juda yaxshi usulga aylanadi.
Izoh (0)