Konservatorlar partiyasi yetakchisi, ichki ishlar vaziri Tereza Mey rasman Buyuk Britaniya bosh vaziri etib tayinlandi. U Bukingem saroyida Yelizaveta II bilan o‘tkazilgan audiyensiyadan so‘ng maxsus farmon bilan mazkur lavozimga keltirildi, deb xabar beradi “TASS”.
Mey xonim amaldagi monarx hukmronligi yillarida tayinlangan 13-hukumat rahbari bo‘ldi.
Bir muddat ilgari sobiq bosh vazir Devid Kemeron Bukingem saroyiga tashrif buyurib, monarxni ketayotganidan ogoh qilgani, Yelizaveta II esa uning iste’fosini qabul qilgani ma’lum bo‘lgan edi.
Yelizaveta II bilan uchrashuvga Mey xonim ichki ishlar vaziriga xizmat ko‘rsatuvchi BMW mashinasida, turmush o‘rtog‘i Filip bilan birga keldi. Saroydan chiqqach, Meylar juftligi bosh vazirgi xizmat ko‘rsatuvchi Jaguar’ga mindi.
Izoh (0)