Kremldagilar Tu-22M3 samolyotlari tomonidan Suriyadagi IShID nuqtalariga zarbalar berilishi rossiyalik vertolyot uchuvchilarining o‘limi uchun olingan qasos bo‘lmaganini ta’kidladi, deb yozadi “Interfaks”.
“Bularning barchasi Rossiya harbiy-kosmik kuchlarining davom etayotgan operatsiyasi doirasida amalga oshirilmoqda”, — dedi Rossiya prezidenti matbuot kotibi Dmitriy Peskov jurnalistlarga.
Avvalroq Davlat dumasining mudofaa bo‘yicha qo‘mitasi rahbari admiral Vladimir Komoyedov Rossiyaning olis masofaga uchuvchi bombardimonchilari tomonidan IShID nuqtalariga zarba berilishi rossiyalik ikki nafar vertolyot uchuvchisi halokati uchun qasos bo‘lishi mumkinligi haqida fikr bildirgan edi.
12-iyul, seshanba kuni Rossiya havo-kosmik kuchlariga tegishli oltita olis masofali Tu-22M3 bombardimonchilari Suriyadagi IShID marralariga zarba bergan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)