Ispaniya milliy politsiyasi Fuqarolik gvardiyasi bilan hamkorlikda operatsiya o‘tkazdi, u mamlakatdagi qalbaki pul yasash bilan shug‘ullanuvchi eng yirik tarmoqni fosh qilish imkonini berdi, deb yozadi “TASS” Mursiya muxtor viloyati hukumati vakiliga tayanib.
21 dan 60 yoshgacha bo‘lgan uch ispaniyalik va to‘rt marokashlik qo‘lga olingan. Bundan tashqari, operatsiya doirasida beshta tintuv o‘tkazildi. Ta’kidlanishicha, qalbaki pullar Ispaniya bozoriga ham, Yevroittifoqning boshqa mamlakatlariga ham kirib borgan.
Xususan, politsiya guruh boshlig‘ini ham qo‘lga olishga muvaffaq bo‘ldi. U 7-iyul kuni San-Pedro-del-Pinatar munitsipalitetida tutib olindi. Erkakning uyidan 1,5 million yevroga teng soxta kupyuralar, shuningdek, qalbaki pul yasovchi uskuna topilgan.
Endi qo‘lga olinganlar sud qarshisida namoyon bo‘ladi. Operatsiya esa davom etmoqda.
Izoh (0)