Fransiya prezidenti Fransua Ollandning shaxsiy sartaroshi har oy 9 ming 895 yevro maosh oladi. Bu haqda Le Canard enchaine nashriga tayanib, “Interfaks” xabar bermoqda.
Sartarosh bilan shartnoma 2012-yil 16-mayda Yelisey saroyi kanselyariya direktori tomonidan prezidentlik mandati amal qiladigan muddatga tuzilgan. Shu tariqa, besh yillik mehnat shartnomasi unga umumiy hisobda 593 ming 700 yevro miqdoridagi umumiy daromad keltiradi. Bundan tashqari, u yashash uchun nafaqa va oila uchun boshqa imtiyozlarga ham ega bo‘ladi.
Nashrga ko‘ra, sartarosh doimo prezident ixtiyorida bo‘lishi va aksariyat safarlarida unga hamrohlik qilishi lozim. Uning shartnomasiga saroydagi faoliyati davomida va undan keyin o‘zi bajargan ish yoki ega bo‘lgan ma’lumotlari borasida mutlaq maxfiylikka amal qilishni zimmasiga olishi haqidagi band kiritilgan.
Izoh (0)