Vermont shtatidan senator Berni Sanders AQSh prezidentligiga saylovlarda o‘z raqibi — Hillari Klintonni qo‘llab-quvvatlashini e’lon qildi, deb yozadi “TASS”. Shu tariqa, u Demokratik partiyadan da’vogarlar o‘rtasidagi Oq uy uchun kurashdan chiqishga qaror qildi.
“Birgalikda biz barchamizning manfaatlarimizni aks ettiruvchi hukumat uchun kurashda davom etamiz. Birgalikda biz siyosiy inqilobni boshladik, u hamon davom etmoqda”, — dedi senator. “Klinton Demokratik partiyadan prezidentlikka nomzod bo‘ladi, keyin esa AQSh prezidentiga aylanadi”, — deya ishonch bildirdi u.
Sanders Demokratik partiya praymeriz (birlamchi saylovlar) va kokus (partiya aktivi yig‘ilishlari)larida unga ovoz bergan 13 million amerikalikka minnatdorlik bildirdi.
Izoh (0)