Toshkent shahrining Chilonzor ko‘chasida, Gagarin haykali qarshisida Hyundai Elantra va “Jiguli” avtomobili ishtirokida yo‘l-transport hodisasi yuz berdi. Bu haqda Facebook’dagi “Voditeli Tashkenta” guruhida fotoxabar qoldirilgan.
Hodisa guvohlarining ma’lum qilishicha, Hyundai Elantra haydovchisi belgilanmagan joyda qarama-qarshi qatnov qismiga qayrilib olmoqchi bo‘lganida, “Jiguli” avtomobili kelib, unga urilgan.
To‘qnashuv natijasida “Jiguli”ning old tomoniga, Elantra’ning asosan haydovchi eshigiga zarar yetgan.
Avariya oqibatida tan jarohati olib jabrlanganlar haqida ma’lumot yo‘q.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)