Facebook’dagi “Voditeli Tashkenta (Drivers.uz)” guruhida davlat raqam belgisi o‘rniga TAJRIBA deb yozilgan Chevrolet Cobalt va Chevrolet Lacetti avtomobillarining suratlari e’lon qilindi.
Guruh foydalanuvchilari davlat raqam belgisi o‘rniga TAJRIBA yozuvi tushirilgan Cobalt’ni shaharning turli nuqtalarida ko‘rganini yozgan. Xabarga qoldirilgan izohlarda xuddi shunday yozuvli, shuningdek, “Diqqat, gaz!” belgisi ham yopishtirilgan Lacetti’ning surati qoldirilgan.
“Voditeli Tashkenta (Drivers.uz)” a’zolaridan biri yozib qoldirgan “insayderlik ma’lumotlari”ga ko‘ra, “GM Uzbekistan gaz ballon uskunasi bilan jihozlangan Lacetti va Cobalt’larni yozgi sinovdan o‘tkazmoqda (avvalroq qishki sinovlar bo‘lib o‘tgan)”.
“Kuzda gaz ballon uskunasi o‘rnatilgan GM Uzbekistan avtomobillarining taqdimoti bo‘lib o‘tishi mumkin”, — deb qo‘shimcha qilgan “insayderlik ma’lumotlarini” ulashgan foydalanuvchi. Boshqa bir foydalanuvchining yozishicha, bunday avtomobillarda nafaqat gaz ballon uskunasi, balki yangi dvigatel, transmissiya kabilar ham tekshirib ko‘rilishi mumkin.
Toshkent ko‘chalarida davlat raqam belgisi TAJRIBA bo‘lgan Lacetti harakatlanmoqda
Toshkent ko‘chalarida TAJRIBA belgisi ostida Ravon Nexia’lar harakatlanmoqda
Izoh (0)