Toshkentning Farg‘ona yo‘li ko‘chasida Cobalt avtomobili do‘kon devoriga borib urildi. Bu haqda Facebook’dagi “Voditeli Tashkenta” guruhida xabar qoldirilgan.
Xabarga ilova qilingan videoda qarama-qarshi qatnov qismiga chiqib ketgan Cobalt devorga borib urilgan, yo‘lning u tarafida Nexia avtomobiliga zarar yetganini ko‘rish mumkin.
Hodisa guvohlaridan birining yozishicha, Cobalt ichida ikki mast kishi bo‘lgan, ularni darhol olib ketishgan. Ikki kishidan biri haydovchi bo‘lganmi-yo‘qmi, ularni kim, qayerga olib ketganiga, aniqlik kiritilmagan.
Mazkur avariya natijasida jabrlanganlar to‘g‘risida aniq ma’lumot yo‘q.
Izoh (0)