“AiF” Yevro—2016’da o‘zini ko‘rsata olgan futbolchilar qanaqa avtomobil haydashini o‘rganib chiqdi.
Portugaliya termasi kapitani va dunyoning eng yaxshi o‘yinchilaridan biri — Krishtianu Ronaldu uchun avtomobil yig‘ish xobbidir. Ronalduning avtoparkida jami 19 ta mashina bor. Ular orasida eng qimmatbahosi (1,7 million dollar) Bugatti Veyron giperkari bo‘lib, u sayyoradagi eng tezkor seriyali avtomobildir. Maksimal tezligi soatiga 430,9 kilometrga yetadi, 100 km/soat tezlik olish uchun 2,5 soniya darkor, xolos.
Rossiya termasi hujumchisi Aleksandr Kokorinning Mansory atelyesida tyuning qilingan “Gelendvagen”i esa taxminan 1,2 million dollarga baholanmoqda.
Yevro-2016’da eng ko‘p to‘p urgan Antuan Grizmann (Fransiya) ancha arzon — 160 ming yevrolik Maserati GranTurismo haydaydi. Uning jamoadoshi, yarim himoyachi Pol Pogba ham xuddi shu markadagi avtomobilni sotib olgan.
Uelslik Garet Beyl yarim million dollarga Lamborghini Aventador rodsterini xarid qilib, eksklyuziv sportkar egalari qatoriga qo‘shildi, ammo keyinchalik uni sotib yubordi.
Germaniya termasi darvozaboni Manuel Noyer 120 ming yevrolik tezkor Audi RS6 Avant avtomobilini minadi. Shunga o‘xshash mashina, aniqrog‘i Audi RS5 Ispaniya termasi himoyachisi Serxio Ramosda ham bor.
Germaniya terma jamoasi yarim himoyachisi Mesut O‘zil Ferrari 458 Speciale sportkarini haydaydi, u taxminan 300 ming dollar turadi.
Italiya termasi darvozaboni Janluiji Buffon o‘zidek yulduz uchun juda oddiy bo‘lgan Audi Q7 krossoverida harakatlanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)