Toshkentda Philips Xenium X1560 telefoni sotila boshladi, deb yozadi “Mobinfo.uz”.
Bir marta quvvatlantirgandan keyin unda 40 soatgacha suhbatlashish yoki kutish rejimida 100 kungacha ishlatish mumkin. Bundan tashqari, ushbu telefon yordamida USB-tuynugiga ega bo‘lgan barcha smartfonlarni quvvatlantirish mumkin. Buning uchun telefon 2900 mA/soatlik baquvvat akkumulyator bilan jihozlangan.
Shuningdek, telefonda SIM-karta uchun ikkita slot, microSD xotira kartasi uchun slot va FM-radio mavjud. Qurilma 2,4 dyuymli TFT-ekran va yoqimli tashqi qiyofaga ega.
Philips Xenium X1560’ning yagona kamchiligi — fotokamera hamda 3G tarmoqlari bo‘yicha ma’lumotlar uzatish imkoniyatining yo‘qligi.
Telefon Toshkentdagi “Fleshka” savdo majmuasida (2016-yil 2-iyun holatiga ko‘ra) 744 ming so‘mdan sotilmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)