“Daryo”ning andijonlik mobil muxbiri Iqroriddin Telegram messenjeri bilan bog‘liq ba’zi layfxaklar bilan bo‘lishdi.
Ikki SIM-kartali telefonga ikkita Telegram dasturini o‘rnatish mumkinmi?
Hozigi paytda ko‘pchilik telefon foydalanuvchilarining bir va bir nechadan raqamlari mavjud (SIM-karta), ular o‘z telefonlari orqali messenjerlardan foydalanganda odatda faqat bittasidan foydalanadi, ikkinchi raqamdan foydalanishni deyarli imkonsiz deb biladi, lekin buni amalga oshirsa bo‘ladi.
Misol uchun, bir telefonga bir nechta, hatto o‘nlab Telegram dasturini o‘rnatish mumkin. Buning uchun AppStore’dan Telegram, GetGems, Aniways yoki Talepal dasturlarini yuklab oling. Ularning tuzilishi Telegram’dan birozgina farq qilishi mumkin, xolos.
Telegram’da tilni qanday o‘zgartirish mumkin?
“Amerika hamda G‘arbiy Yevropa mamlakatlarida yashovchi tanishlarim mendan Telegram’da tilni o‘zgartirish, masalan rus tiliga qanday o‘zgartirish haqida so‘rashadi. Men odatda Telegram ichidagi qidiruv katakchasiga “telerobot” deb yozish kerakligini va so‘ng Anton ismli robot chiqishi, unga xabar sifatida locale iOS deb yozish kerakligini aytaman. Biroq iPhone orqali tilni o‘zgartirish imkonsiz bo‘lib chiqdi”, — deb yozadi mobil muxbir. Xo‘sh, Rossiya va MDH davlatlarida yashamasdan turib, qanday qilib Telegram’ni ruscha qilish mumkin (iPhone’da)?
Siz AQSh yoki dunyoning boshqa joyida yashasangiz @telerobot orqali til o‘zgartirishga harakat qilmang, sizning o‘rningizga ruscha faylni MDH hududida yashovchi biron yaqin insoningiz o‘z Telegram dasturiga yuklab, so‘ng sizga uni ulashishi kifoya ( ya’ni forward qilish). So‘ng siz u faylini ochib aktivatsiya qilib olasiz.
Telegram’da sizni kimdir blok qilsa…
Bu holda sizga uning rasmlari ko‘rinmaydi, lekin u asosiy suratni alishtirsa dialoglar qatorida uning yangi surat qo‘ygani bilinadi, ammo uni ko‘rish uchun bosganingizda u darrov yo‘q bo‘lib, bosh harf yoki birinchi keladigan belgi ifodasiga aylanadi.
Bunday holatlarda suratni ko‘rishni antiqa uslubi bor (iPhone’da). Surat o‘zgarganini sezdingizmi , unda darrov uni ustiga bosmang, balki surat o‘zgarishi bilan, telefoningiz menyusidan Internetni o‘chiring, so‘ng chatdan o‘sha blok qilgan insonni suratini topamiz va suhbat ichiga kiramiz, suhbat orasidan yuqori o‘ng tomonga ko‘chgan suratni ko‘rish uchun bosamiz. So‘ng yangi sahifada surat chapga ko‘chadi va shunda surat ichiga kirish mumkin. Ammo internet o‘chirilgani tufayli, u yuklanmay turaveradi. Internetni qaytadan yoqqanimizdan so‘ng, asosiy menyudan Telegram’ga kirishimiz bilan surat yuklana boshlaydi, endi nafaqat o‘sha yangi surat balki o‘sha foydalanuvchining barcha suratlarini ko‘rish va yuklab olish mumkin.
Izoh (0)