AQShda chop etiladigan Consumer Reports jurnali o‘tgan oyda himoyalangan smartfon sifatida taqdim etilgan Samsung Galaxy S7 Active sinovini o‘tkazdi. Ishlab chiqaruvchi qurilma 1,5 metr chuqurlikdagi suvda yarim soat qolib ketishni ko‘tarishga qodirligiga ishontirgandi, biroq nashrning ikki sinovi natijalari buning aksini ko‘rsatdi. Bu haqda TJournal xabar bermoqda.
Jurnal mutaxassislari qurilma nusxasini 30 daqiqaga 14,6 kilopaskal bosim (bu 1,5 metr chuqurlikdagi bosimga teng) ostidagi suvli idishga joylashtirdi. Chiqarib olinganidan so‘ng kamera oynasi ostida suv tomchilari aniqlandi, ekranda yashil chiziqlar paydo bo‘ldi, sensorli modul esa barmoq tegishini sezmay qoldi.
Consumer Reports ishonch hosil qilish uchun tajribani boshqa Galaxy S7 Active smartfoni bilan takrorlab ko‘rdi. Mazkur qurilma ham sinovdan o‘tolmadi: suv kamera oynasi va SIM yo‘lakchasi ostiga sizib kirdi, ekran esa o‘chib-yona boshladi.
Izoh (0)