Varshavadagi sammit ishtirokchilari kiberkenglik NATO mudofaa siyosatining yangi yo‘nalishi ekanligini e’tirof etdi. Bu haqda 8-iyul, juma kuni bo‘lib o‘tgan matbuot anjumanida alyans bosh kotibi Yens Stoltenberg ma’lum qildi, deya xabar beradi “Interfaks”.
“Biz kiberkenglikni quruqlik, havo va dengiz qatori yangi operativ hudud sifatida e’tirof etdik. NATO kiberkenglikda mudofaa marralarini egallamoqda, biroq alyans barcha yo‘nalishlarda jamoaviy mudofaamiz mustahkamlanishi haqida aniq signal yo‘llamoqda”, — deya ta’kidladi Stoltenberg.
Bosh kotibga ko‘ra, NATO a’zolari kiberxavfsizlikni ta’minlash uchun milliy tuzilmalarni kuchaytirish va mazkur sohada ma’lumot almashish haqida kelishib oldi.
Izoh (0)