Pan Gi Mun AQShni irqiy kamsitish muammolarini hal qilishga chaqirdi

BMT bosh kotibi Pan Gi Mun Dallasdagi mitingda politsiyachilar o‘ldirilganini qoraladi va bunday zo‘ravonlik harakatlarini “hech ham oqlab bo‘lmasligi”ni ta’kidladi, deb yozadi “TASS”.

Bayonotda aytilishicha, Dallasdagi otishma hamda tartib posbonlari tomonidan qora tanlilarning o‘ldirilishi Amerika jamoatchiligida irqiy kamsitish muammolarini kompleksli tarzda hal qilish zaruriyati borligidan darak beradi.

“Ushbu qotilliklar puxta va xolis tekshiruv predmetiga aylanishi kerak. Ular yana bir bora irqiy diskriminatsiya muammolari, jumladan, huquq-tartibot faoliyatidagi irqiy tengsizlik muammosiga umumiy yechim topish zaririyatiga e’tiborni tortmoqda”, — deyiladi bayonotda.

Pan Gi Mun qurbonlar oilalari va hamkasblariga, shuningdek, Dallas politsiya boshqarmasiga hamdardlik izhor etdi.