7-iyul, payshanba kuni Buyuk Britaniya parlamentariylari orasida Konservativ partiya yetakchisi va mamlakat bosh vaziri lavozimiga nomzod haqidagi masala bo‘yicha ovoz berishning ikkinchi va so‘nggi davrasi yakunlandi, deb yozadi “Vedomosti”.
Ichki ishlar vaziri Tereza Mey, energetika vaziri o‘rinbosari Andrea Lidsom va adliya vaziri Maykl Gouvdan iborat uch nomzoddan ikki ayol qoldi. Mey 199 ta, Lidsom 84 ta, poygadan chiqib ketgan Gouv bor-yo‘g‘i 46 ta ovoz to‘pladi.
Shu tariqa, bundan keyin bo‘ladigan ovoz berish natijalaridan qat’i nazar, Margaret Tetcher zamonidan buyon birinchi marta Buyuk Britaniya bosh vaziri ayol kishi bo‘ladi.
Eslatib o‘tamiz, Buyuk Britaniya bosh vaziri Devid Kemeron, qirollik aholisi referendumda mamlakatning Yevropa Ittifoqidan chiqishi uchun ovoz berganidan so‘ng, iste’fo berishini ma’lum qildi.
Izoh (0)