UMS va Huawei kompaniyalari navbatdagi qo‘shma aksiyani yo‘lga qo‘ymoqda. Aksiya shu yil 1-iyulidan 30-sentabrigacha o‘tkaziladi va Huawei smartfonlarining bir qator modellari, jumladan, GR3, GR5, G8, Mate8, P8/P8lite va P9/P9lite uchun amal qiladi. Ushbu qurilmalarni xarid qilgan foydalanuvchilar UMS’ning “Huawei OnNet 3000 Mb” maxsus xizmati, ya’ni 6 oy davomida har oy taqdim etiladigan 3000 megabayt hajmdagi internet-to‘plamlarni ulab olishi mumkin. Kompaniyaning amaldagi abonentlari, shuningdek, “Super 0” xizmatini bepul ulash imkoniyatiga ega bo‘ladi.
“UMS data-operatorining mobil interneti ulangan Huawei smartfonlari — innovatsiyalar, sifat, ishonch va tezkorlikni qadrlaydiganlar, zamon bilan hamnafas bo‘lishga intiladiganlar tanlovidir, — deya aksiya boshlanishiga izoh berdi UMS MChJ sotuvlar va xizmat ko‘rsatish bo‘yicha direktori Yuriy Svechnikov. — Barcha zamonaviy talablarga javob beradigan, qulay narxga ega Huawei smartfonini xarid qilish va shu bilan birga UMS’dan bonus olish — kompaniyaning amaldagi va yangi abonentlari uchun qulay imkoniyat”.
Aksiyada ishtirok etayotgan Huawei smartfonlarining aksariyat model va turlari 4G LTE tarmog‘ining 800 MGs (FDD, 20 Band) diapazonida ishlay oladi. Shunday ekan, aksiya doirasida abonentlar nafaqat zamonaviy mobil qurilmalar yordamida mobil internetga bepul kira oladi, balki UMS’ning ma’lumotlar uzatish xizmatidan 4G LTE tezligida foydalanishi mumkin.
“Huawei kompaniyasi internetdan maksimal qulay tarzda foydalanishga mo‘ljallangan qurilmalarni ishlab chiqarishga intilmoqda. Hususan, qo‘shma aksiya doirasida biz to‘rtinchi avlod tarmoqlarida ishlay oladigan eng zamonaviy smartfonlarni taklif etmoqdamiz. Bu esa UMS kompaniyasi tomonidan 4G LTE tarmog‘i ishga tushirilgan paytda o‘ta o‘rinlidir, — deya ta’kidladi Huawei O‘zbekistondagi korporativ kommunikatsiyalari rahbari Davron Azizov. — Qurilmalarimiz uchinchi avlod tarmoqlarida ishlash uchun ham o‘ta qulay bo‘lib, ular yordamida videoqo‘ng‘iroq xizmatidan foydalanish, internetda tezkor syorfing qilish, katta hajmdagi ma’lumotlar, audio va videokontentlarni yuklab olish, zamonaviy onlayn o‘yinlar o‘ynash mumkin. Ushbu aksiya UMS bilan birgalikda o‘tkazilayotgan loyihalarning birinchisi emas va o‘ylaymizki, bunday samarali hamkorlik keyinchalik ham davom etadi”.
Aksiyaning batafsil shartlari, promo-do‘konlar va UMS’ga qarashli ofislar manzillari bilan quyidagi havola orqali tanishish ham mumkin.
Reklama huquqi asosida. Xizmatlar litsenziyalangan.
Izoh (0)