UMS ва Huawei компаниялари навбатдаги қўшма акцияни йўлга қўймоқда. Акция шу йил 1 июлидан 30 сентябригача ўтказилади ва Huawei смартфонларининг бир қатор моделлари, жумладан, GR3, GR5, G8, Mate8, P8/P8lite ва P9/P9lite учун амал қилади. Ушбу қурилмаларни харид қилган фойдаланувчилар UMS’нинг «Huawei OnNet 3000 Мб» махсус хизмати, яъни 6 ой давомида ҳар ой тақдим этиладиган 3000 мегабайт ҳажмдаги интернет-тўпламларни улаб олиши мумкин. Компаниянинг амалдаги абонентлари, шунингдек, «Super 0» хизматини бепул улаш имкониятига эга бўлади.
«UMS дата-операторининг мобил интернети уланган Huawei смартфонлари — инновациялар, сифат, ишонч ва тезкорликни қадрлайдиганлар, замон билан ҳамнафас бўлишга интиладиганлар танловидир, — дея акция бошланишига изоҳ берди UMS МЧЖ сотувлар ва хизмат кўрсатиш бўйича директори Юрий Свечников. — Барча замонавий талабларга жавоб берадиган, қулай нархга эга Huawei смартфонини харид қилиш ва шу билан бирга UMS’дан бонус олиш — компаниянинг амалдаги ва янги абонентлари учун қулай имконият».
Акцияда иштирок этаётган Huawei смартфонларининг аксарият модель ва турлари 4G LTE тармоғининг 800 МГц (FDD, 20 Band) диапазонида ишлай олади. Шундай экан, акция доирасида абонентлар нафақат замонавий мобил қурилмалар ёрдамида мобил интернетга бепул кира олади, балки UMS’нинг маълумотлар узатиш хизматидан 4G LTE тезлигида фойдаланиши мумкин.
«Huawei компанияси интернетдан максимал қулай тарзда фойдаланишга мўлжалланган қурилмаларни ишлаб чиқаришга интилмоқда. Ҳусусан, қўшма акция доирасида биз тўртинчи авлод тармоқларида ишлай оладиган энг замонавий смартфонларни таклиф этмоқдамиз. Бу эса UMS компанияси томонидан 4G LTE тармоғи ишга туширилган пайтда ўта ўринлидир, — дея таъкидлади Huawei Ўзбекистондаги корпоратив коммуникациялари раҳбари Даврон Азизов. — Қурилмаларимиз учинчи авлод тармоқларида ишлаш учун ҳам ўта қулай бўлиб, улар ёрдамида видеоқўнғироқ хизматидан фойдаланиш, интернетда тезкор сёрфинг қилиш, катта ҳажмдаги маълумотлар, аудио ва видеоконтентларни юклаб олиш, замонавий онлайн ўйинлар ўйнаш мумкин. Ушбу акция UMS билан биргаликда ўтказилаётган лойиҳаларнинг биринчиси эмас ва ўйлаймизки, бундай самарали ҳамкорлик кейинчалик ҳам давом этади».
Акциянинг батафсил шартлари, промо-дўконлар ва UMS’га қарашли офислар манзиллари билан қуйидаги ҳавола орқали танишиш ҳам мумкин.
Реклама ҳуқуқи асосида. Хизматлар лицензияланган.
Изоҳ (0)