Android’ning Twitter’dagi rasmiy akkauntida yangi operatsion tizim — Android N nomi bilan xabar paydo bo‘ldi. Ishlab chiqaruvchi ko‘plar taxmin qilganidek Nutella emas, Nougat (yong‘oqholva) variantini ma’qul ko‘rdi, deya hikoya qiladi “Hi-Tech Mail.ru”.
Operatsion tizim yoz yakunida chiqarilishi va’da berilmoqda. U 250 dan ortiq yangi funksiyaga ega bo‘lishi ma’lum qilingan. Tizimning Android 6.0 Marshmallow’dan asosiy afzalligi qatorida virtual reallikning quvvatlanishi, avtonom faoliyat vaqti sezilarli ravishda ko‘paygani, multioynali tartib, bir zumli dasturlar, ko‘p vazifalilik imkoniyatlarining kengayishini keltirib o‘tish mumkin.
Shuningdek, Android Nougat qurilmalarning fonli yangilanishi tartibiga ega bo‘ladi. Unda bir bo‘lim ish uchun, boshqasi esa dasturiy ta’minot yangilanishi uchun qo‘llanadi. Natijada qurilma qayta ishga tushirilganidan so‘ng darrov operatsion tizimning yangi versiyasidan foydalanish mumkin bo‘ladi.
Izoh (0)