Meizu kompaniyasi fevralda taqdim etilgan Meizu Pro 5 Ubuntu Edition vorisi bo‘lishi aytilayotgan yangi MX6 Ubuntu Edition smartfonini havola etadi. Bu haqda “Hi-Tech Mail.ru” xabar bermoqda.
AndroidHeadlines resursida chop etilgan promo-tasvirlar smartfonning asosiy xarakteristikalari haqida tasavvur beradi. Meizu MX6 Ubuntu Edition 64 bitli, 10 yadroli Mediatek Helio X20 chipseti asosiga quriladi. Ushbu chipset ikkita Cortex-A72 va sakkizta Cortex-A53 yadrolari, ARM Mali T880 grafikasi, soniyasiga 300 megabitgacha ma’lumotlarni uzatishga qodir LTE Cat-6 modemini o‘z ichiga oladi.
Meizu MX6 Ubuntu Edition, shuningdek, 3 gigabayt tezkor va 32 gigabayt qo‘shimcha xotira, 8 va 20,7 megapikselli kameralar, 4000 amper/soatli akkumulyator, 5,5 dyuymli ekran hamda barmoq izi skaneri bilan jihozlanadi.
Shu yil yoz mavsumi oxirida taqdim etilishi kutilayotgan smartfon uchun 399,99 yevro narx belgilangan.
Izoh (0)