“Chelsi” va Portugaliya terma jamoasi hujumchisi Joau Feliks o‘zining sobiq jamoasi — “Benfika” bilan shartnoma borasida kelishuvga erishdi. Bu haqda taniqli insayder Nikolo Skira o‘zining ijtimoiy tarmoqlardagi sahifasida xabar berdi.
Manbaga ko‘ra, portugaliyalik hujumchi shaxsiy shartlar bo‘yicha “Benfika” bilan kelishuvga erishganidan so‘ng, Lissabon klubi endi “Chelsi” bilan rasmiy muzokaralarni boshlagan. Hozirda tomonlar transferni yakunlash ustida ish olib bormoqda.
Ma’lumot uchun, Feliks “Benfika” tizimiga 2015-yilda qo‘shilgan va 2019-yilga qadar klub safida to‘p surgan. U 2019-yilda 127,5 million yevro evaziga “Atletiko Madrid”ga o‘tgan edi, biroq Diego Simeone boshqaruvidagi jamoada o‘zini to‘liq namoyon eta olmadi. Shundan keyin Feliks “Chelsi”ga o‘tdi, ammo u yerda ham yaxshi o‘yin namoyish eta olmadi.
O‘tgan mavsumning bir qismini esa futbolchi “Milan” safida ijara asosida o‘tkazdi. U A Seriyada 15 o‘yinda maydonga tushib, 2 ta gol urishga erishdi.
Izoh (0)