O‘zbekistonda alohida funksiyalari bo‘lgan ikkita displeyli LG V10 smartfoni sotila boshladi, deb yozadi “Mobinfo.uz”. Uning korpusi sifatli materialdan tayyorlangan bo‘lib, barmoq izi skaneri bilan jihozlangan.
Qurilma 5,7 dyuymli va 2560×1440 pikselli asosiy displey, olti yadroli Qualcomm Snapdragon 808 protsessori, 4 Gb tezkor va 64 Gb ichki xotira (+microSD), 16 megapikselli asosiy va 5 megapikselli old kamera, 3000 mA/soat sig‘imli akkumulyatorga ega.
Smartfonning ikkinchi displeyi 2,1 dyuymli va 1040×160 pikselli bo‘lib, u bildirishnomalar, vaqt, ob-havo, zaryad darajasi va boshqa o‘ta muhim axborotni aks ettira oladi. Qo‘ng‘iroq bo‘lganida ushbu ekranga barcha ma’lumot chiqariladi, shu bilan birga, asosiy ekrandagi dasturiy ta’minot bilan aloqaga ta’sir o‘tkazilmaydi. Ikkinchi displey uchun “doim yoniq” rejimi amal qiladi.
Toshkentdagi “Fleshka” savdo majmuasida LG V10 3,9 million so‘mdan sotilmoqda.
Izoh (0)