Xitoyning Air China aviakompaniyasi Urumchi va Toshkent o‘rtasida to‘g‘ridan-to‘g‘ri reyslarni yo‘lga qo‘ydi, deb xabar bermoqda Uzbekistan Airports matbuot xizmati.
-6-HTpwYx.avif)
Qayd etilishicha, aviakompaniya 19-iyulda Pekin—Toshkent—Pekin reyslari muvaffaqiyatli yo‘lga qo‘yilgandan so‘ng, Urumchi—Toshkent—Urumchi yo‘nalishida yangi to‘g‘ridan-to‘g‘ri reys ochish orqali O‘zbekistondagi yo‘nalishlar tarmog‘ini kengaytirishda davom etmoqda.
22-iyul kuni soat 12:50 da ushbu yo‘nalish bo‘yicha birinchi reys Toshkent xalqaro aeroportiga kelib qo‘ndi. Boeing-737 samolyotida yetib kelgan ekipaj va yo‘lovchilar an’anaga ko‘ra suv arkasi, gullar va bayramona muhitda bilan kutib olindi.
-YXzdJJgW.avif)
-NrGFRGsY.avif)
“Urumchi va Toshkent o‘rtasidagi aviaqatnovning ochilishi Xitoy va O‘zbekiston o‘rtasidagi aviatsiya hamkorligini mustahkamlash yo‘lidagi navbatdagi qadamdir. Ishonchimiz komilki, bu yo‘nalish biznes va sayyohlik aloqalarini kengaytirishga hissa qo‘shadi. Yo‘lovchilarga ishonchli, qulay va zamonaviy havo qatnovini taqdim etish biz uchun juda muhim”, degan aviakompaniya vakili.
Air China aviakompaniyasining Urumchi—Toshkent—Urumchi yo‘nalishi bo‘yicha parvozlari haftada uch marta — seshanba, juma va yakshanba kunlari amalga oshiriladi.
Air China — Xitoydagi eng yirik aviakompaniyalardan biri bo‘lib, 1988-yilda tashkil etilgan. Kompaniya dunyoning 200 ga yaqin shahariga reyslarni amalga oshiradi. Uning havo kemalari parkida 500 dan ortiq samolyot bor. Ushbu aviakompaniyaga iyul oyining boshlarida O‘zbekistonga muntazam aviaqatnovlarni amalga oshirish uchun ruxsatnoma berilgandi.
2024-yil iyunida O‘zbekiston va Xitoy aviatsiya hukumatlari o‘rtasida havo qatnovi to‘g‘risidagi ikki tomonlama hukumatlararo bitimga o‘zgartirishlar kiritish, ikki davlat o‘rtasida amalga oshirilayotgan aviaqatnovlar sonini keskin oshirish, yangi havo yo‘laklarini ochish masalalari muhokama qilingandi.
O‘zbekiston tomonidan bitimdagi aviakompaniyalar soniga va parvoz manzillariga qo‘yilgan cheklovlarni olib tashlash, amaldagi aviaqatnovlar sonini har bir tomondan haftasiga 50 tadan jami 100 taga oshirish, parvozlar geografiyasini kengaytirish hamda yangi havo yo‘laklarini ochish taklif etilgandi. Muzokaralar natijasiga ko‘ra ikki davlat aviatsiya ma’muriyatlari o‘rtasida tegishli hujjat imzolangandi.
Izoh (0)