Xitoyning “Shanxay SIPG” klubi safiga borib qo‘shilgan braziliyalik futbolchi Xalk o‘ziga sarf etilgan pullar bo‘yicha dunyoning uchinchi raqamli futbolchisiga aylandi.
Xalk uchun “Shanxay SIPG” yettinchi professional klub hisoblanadi. Hujumchi unga qadar “Vitoriya” (Braziliya), “Kavasaki Frontale”, “Konsadole Sapporo”, “Tokio Verdi” (barchasi Yaponiya), “Portu” (Portugaliya), “Zenit” (Rossiya) kabi klublar sharafini himoya qilgan.
Futbolchilarning bir jamoadan boshqa jamoaga o‘tishidagi umumiy narhi borasida argentinalik Anxel di Mariya yetakchilik qiladi. Yarim himoyachi to‘p surgan klublar soni Xalknikidan ikkitaga kam, umumiy narh esa 179 million yevroni tashkil qiladi. Di Mariyaning transferida “Benfika”, “Real”, “Manchester Yunayted” va “PSJ” klublari umumiy shuncha mablag‘ sarf etgan.
Di Mariya va Xalkning o‘rtasiga Zlatan Ibrahimovich joylashgan. Shvetsiyalik hujumchi “Ayaks”, “Yuventus”, “Inter”, “Barselona”, “Milan”, “PSJ” kabi klublarni 169,1 million evaziga kezib chiqqan. U o‘zining yangi jamoasi “Manchester Yunayted”ga erkin agent sifatida borib qo‘shildi.
Izoh (0)