Braziliya prezidenti lavozimidan vaqtinchalik chetlatilgan Dilma Russef Rio-de-Janeyrodagi Olimpiada o‘yinlari ochilishiga taklif qilinadi, biroq marosimni mamlakat sobiq rahbarlari uchun mo‘ljallangan tribunadan kuzatadi, deb yozadi “TASS” Globo gazetasiga tayanib.
Uning ma’lumotlariga ko‘ra, Xalqaro olimpiya qo‘mitasi Olimpiada ochilishiga Braziliyaning to‘rt nafar sobiq prezidenti — Luis Inasiu Lula da Silva, Fernando Enrike Kardozo, Fernando Kolor di Melu va Joze Sarneyni taklif qiladi.
Davlat rahbari vazifasini vaqtinchalik bajaruvchi Mishel Temer Xalqaro olimpiya qo‘mitasi rahbari Tomas Bax bilan tantanali marosimda bevosita ishtirok etadi. Temer uchun “Marakana” stadionining yuqoridagi tribunalardan biri tayyorlanadi.
Izoh (0)