Rio—2016 tashkiliy qo‘mitasi o‘z saytida 5—21-avgust kunlari Braziliyaning Rio-de-Janeyro shahrida bo‘lib o‘tadigan XXXI yozgi Olimpiada o‘yinlari rasmiy taronasi videoklipini joylashtirdi. “Yurak va qalb” deb nomlangan qo‘shiqni braziliyalik Tiaginyu va Projota duet tariqasida ijro etdi, deya xabar beradi “TASS”.
Qo‘shiq musiqasi pagode (samba turlaridan biri) va rep qorishmasidan iborat. Bu esa, mualliflar fikriga ko‘ra, an’anaviy hamda zamonaviy ohanglar mutanosibligini anglatadi. Uning matnidan qiyinchiliklar qarshisida yengilmaslikka da’vat o‘rin olgan.
Kompozitsiyaga ishlangan videoklipda Rio-de-Janeyroning mashhur ko‘rinishlari, Olimpiada sport obyektlari, shuningdek, yosh sportchilar mashg‘ulotlaridan lavhalar aks etgan.
Izoh (0)