Халк ўзига сарф этилган маблағ бўйича жаҳоннинг учинчи футболчисига айланди

Хитойнинг «Шанхай SIPГ» клуби сафига бориб қўшилган бразилиялик футболчи Халк ўзига сарф этилган пуллар бўйича дунёнинг учинчи рақамли футболчисига айланди.

• Бразилиялик ҳужумчи Халк «Зенит»ни таркиб этиб, Санкт-Петербургни Шанхайга алмаштирди

Халк учун «Шанхай SIPГ» еттинчи профессионал клуб ҳисобланади. Ҳужумчи унга қадар «Витория» (Бразилия), «Кавасаки Фронтале», «Консадоле Саппоро», «Токио Верди» (барчаси Япония), «Порту» (Португалия), «Зенит» (Россия) каби клублар шарафини ҳимоя қилган.

Футболчиларнинг бир жамоадан бошқа жамоага ўтишидаги умумий нарҳи борасида аргентиналик Анхел ди Мария етакчилик қилади. Ярим ҳимоячи тўп сурган клублар сони Халкникидан иккитага кам, умумий нарҳ эса 179 миллион еврони ташкил қилади. Ди Мариянинг трансферида «Бенфика», «Реал», «Манчестер Юнайтед» ва «ПСЖ» клублари умумий шунча маблағ сарф этган.

Ди Мария ва Халкнинг ўртасига Златан Ибраҳимович жойлашган. Швециялик ҳужумчи «Аякс», «Ювентус», «Интер», «Барселона», «Милан», «ПСЖ» каби клубларни 169,1 миллион эвазига кезиб чиққан. У ўзининг янги жамоаси «Манчестер Юнайтед»га эркин агент сифатида бориб қўшилди.

• Сўнгги бир ҳафтада амалга оширилган энг шов-шувли 10 та трансфер