Yevro—2016 guruh bosqichini mag‘lubiyatsiz o‘tkazgan Angliya milliy terma jamoasi musobaqa bilan nimchorak finalda xayrlashdi.
Chorak final yo‘lida Islandiyaga qarshi saf tortgan Roy Xojson jamoasi 1:2 hisobida imkoniyatni boy berdi. Vaholanki hisob 4-daqiqadayoq inglizlar tomonidan ochilgandi.
3-daqiqaga kelib sloveniyalik hakam Islandiya darvozasi tomon penalti belgiladi. Hujumni bartaraf etish chog‘ida darvozabon Rahim Sterlingni qo‘pollik bilan to‘xtatib qolgandi. 11 metrlik jarima zarbasini Ueyn Runi aniq amalga oshirib, jamoadoshlarini hisobda oldinga olib chiqdi.
Oradan 1 daqiqa o‘tib muvozanat tiklandi. Ragnar Sigurdssonning aniq zarbasini darvozabon Jo Xart qaytara olmadi.
18-daqiqaga kelib Kolbeyn Sigtorsson hisobda islandiyaliklarni oldinga olib chiqdi. Bu vaziyatda ham “Manchester Siti” posboni jamoasi joniga oro kira olmadi.
Mazkur hisob o‘yin yakuniga qadar o‘zgarmadi va Islandiya terma jamoasi o‘z tarixida birinchi bor Yevropa chempionatining chorak finaliga yo‘l oldi. Yarim final yo‘lida islandiyaliklar musobaqa mezboni bo‘lmish Fransiyaga qarshi kurash olib boradi.
[wpse_match id="368877" show_title=1]
Izoh (0)