Futbol bo‘yicha Amerika Kubogi yarim finalining AQSh va Argentina (0:4) terma jamoalari o‘yinida muxlislardan biri maydonga chiqib keldi. Bunga qanday muvaffaq bo‘lgani va uni nega hech kim to‘xtatmagani ma’lum emas, deya xabar beradi “Korrespondent.net”.
Erkak ushbu o‘yinda Argentina terma jamoasida urilgan gollar soni bo‘yicha rekordni yangilashga erishgan Lionel Messiga yaqinlashdi va undan dastxat so‘radi. Messi bunga xotirjam munosabatda bo‘ldi va muxlisning futbolkasiga dastxat tushirib berdi. Erkak esa istagi amalga oshgach tiz cho‘kdi va futbolchiga sajda qila boshladi.
Messining bunday izzat-ikromdan xijolat tortayotgani yuzidan bilinib turardi. U muxlis tomon egildi, shundan so‘ng erkak turib, Lionelni bag‘riga bosdi.
https://youtu.be/zc2yTR29brI
Eslatib o‘tamiz, AQShga qarshi o‘yinda kiritilgan gol orqali Lionel Messi Argentina termasi tarixidagi eng yaxshi to‘purarga aylanib oldi.
Izoh (0)