Islandiyalik ishqiboz Boeing 737 samolyotini ijaraga olishga 140 000 funt sterling sarfladi. Bu samolyotda u barcha istovchilar bilan birga Nitssaga borib, Islandiya – Angliya uchrashuvini tomosha qilmoqchi, deb xabar beradi Tjournal.
Gretar Sigurdarson bu haqda Facebook’dagi sahifasi orqali xabar qildi va barcha istovchilarni u bilan birga uchrashuvga borishga chaqirdi.
The Daily Mirror nashrining bildirishicha, barcha chiptalar shu zahotiyoq sotilib ketdi. Parvozga qo‘shilish uchun Gretarning do‘stlari va boshqa fanatlar 750 funt sterlingdan to‘ladi.
Islandiya terma jamoasi tarixida ilk bor Yevropa birinchiligining pley-off bosqichiga chiqa oldi. Islandiyaning kutilmagan muvaffaqiyati tufayli jamoa ishqibozlari aql bovar qilmas ishlarga qo‘l urmoqda. Ulardan biri kinoyali tarzda angliyalik futbolchilarga mag‘lubiyatdan so‘ng Islandiyada bepul dam olib kelishni taklif qildi.
Izoh (0)