Исландиялик ишқибоз Boeing 737 самолётини ижарага олишга 140 000 фунт стерлинг сарфлади. Бу самолётда у барча истовчилар билан бирга Ниццага бориб, Исландия – Англия учрашувини томоша қилмоқчи, деб хабар беради Tjournal.
Гретар Сигурдарсон бу ҳақда Facebook’даги саҳифаси орқали хабар қилди ва барча истовчиларни у билан бирга учрашувга боришга чақирди.
The Daily Mirror нашрининг билдиришича, барча чипталар шу заҳотиёқ сотилиб кетди. Парвозга қўшилиш учун Гретарнинг дўстлари ва бошқа фанатлар 750 фунт стерлингдан тўлади.
Исландия терма жамоаси тарихида илк бор Европа биринчилигининг плей-офф босқичига чиқа олди. Исландиянинг кутилмаган муваффақияти туфайли жамоа ишқибозлари ақл бовар қилмас ишларга қўл урмоқда. Улардан бири кинояли тарзда англиялик футболчиларга мағлубиятдан сўнг Исландияда бепул дам олиб келишни таклиф қилди.
Изоҳ (0)