Буюк Британиядаги Евроиттифоқдан чиқиш бўйича референдум натижалари бозорларда 5–10 йил ичида ўз таъсирини билдиради. Бу ҳақда Хитой молия вазири Лоу Цзивэй маълум қилди, деб хабар беради «РБК».
Цзивэй Осиё инфраструктура инвестициялари банкининг йиллик йиғилиши чоғида бозорларнинг мазкур янгиликка муносабатини башорат этиш қийинлигини билдириб, ҳозирги муносабатларни «шошилинч ва ортиқча» деб атади ва «тинчланиш ҳамда вазиятга холис баҳо бериш»га чақирди.
Шу билан бирга, Хитой молия вазири Brexit бўйича қарор «глобал иқтисодиётга соя солиши, унинг оқибатлари ва салбий эффекти эса кейинги 5–10 йил мобайнида билиниши»ни таъкидлади.
Изоҳ (0)