Futbol bo‘yicha O‘zbekiston Oliy Ligasi 13-tur uchrashuvlarini tomosha qilish uchun 25 152 nafar ishqiboz stadionga tashrif buyurdi, deb xabar berdi “Championat.asia”. Bu 2016-yilgi mavsum hisobidan eng past ko‘rsatkich.
Oliy Liga. “Paxtakor” mavsumdagi to‘rtinchi mag‘lubiyatini “Sho‘rtan”dan qabul qilib oldi
Oliy liga. “Metallurg” Namanganda zafar quchib, 3-o‘ringa ko‘tarildi. “Buxoro” esa “Paxtakor”dan o‘zib ketdi
“Ko‘cha-ko‘yga chiqar ekansiz, muxlislarni Oliy Ligaga jalb qilish borasida deyarli hech qayerda targ‘ibotni ko‘rmaysiz”, deb yozdi “Championat.asia”. Xabarda O‘zbekistondagi bitta stadionning o‘zi 25 152 nafar muxlisni sig‘dira olishi mumkin bo‘lgan bir paytda, 7 ta uchrashuvga hech bo‘lmaganda shuncha ishqiboz kelmagani alohida ko‘rsatilgan.
Ma’lumot uchun, Oliy Liga 13-turi doirasidagi “Lokomotiv” — “Qizilqum” uchrashuvi noma’lum muddatga qoldirilgan. “Bu o‘yinga ham nari borsa 800/1000 nafar muxlis kelishi mumkin”, deb yoziladi xabarda.
O‘zbekiston Oliy Ligasi 13-turida muxlislar tashrifining kamayib ketishiga Yevro—2016 bellashuvlarining start olgani yoki Ramazon oyining davom etayotgani ta’sir ko‘rsatgan yoki yo‘qligi borasida ma’lumot berilmagan.
Izoh (0)